मुंबई, 6 फेब्रुवारी 2025: Anganwadi Recruitment 2025 – महाराष्ट्र राज्यातील अंगणवाडी सेविकांसाठीची होत असलेली भरती प्रक्रिया (Anganwadi Bharti 2025) अतिशय पारदर्शक पद्धतीने केली जाईल, अशी माहिती महिला व बालविकास मंत्री अदिती तटकरे (Aditi Tatkare) यांनी दिली आहे. अंगणवाडी सेविका, पर्यवेक्षकीय अधिकारी, संरक्षण अधिकारी, आणि अधीक्षक यांसारखी महत्त्वाची पदे भरण्यासाठी जाहीर केलेली ही प्रक्रिया 100 दिवसांच्या उद्दिष्टपूर्तीच्या अंतर्गत सुरू करण्यात आली आहे.
मंत्री अदिती तटकरे यांनी राज्यातील महिला उमेदवारांना आवाहन केले आहे की, त्यांनी कोणत्याही प्रकारच्या आमिषाला बळी पडू नये. राज्य सरकार अंगणवाडी भरती 2025 पूर्णपणे पारदर्शक पद्धतीने करणार आहे. परीक्षा केंद्रांवर जॅमर बसविणे आणि उमेदवारांच्या सुरक्षिततेचा विचार करण्याचे सुनिश्चित करण्यात आले आहे.
ही भरती प्रक्रिया पारदर्शक ठेवण्यासाठी राज्य सरकार सज्ज आहे. सरळसेवा व पदोन्नती प्रकारातील भरती प्रक्रियेची देखील कार्यवाही सुरू आहे. अदिती तटकरे म्हणाल्या की, योग्य आणि पात्र उमेदवारांसाठीच ही भरती आहे.
अदिती तटकरे यांचे हे आवाहन अंगणवाडी सेविका म्हणून काम करू इच्छिणाऱ्या महिलांसाठी महत्त्वाचे आहे. राज्य सरकार ही भरती प्रक्रिया पारदर्शक आणि अगदी निष्पक्षतेने अंमलात आणणार आहे.
🔴 हेही वाचा 👉 12वी पास महिलांसाठी सरकारी नोकरीची संधी! अर्ज प्रक्रिया सुरू.