Ladki Bahin Yojana Nagpur Rejected Applications : मुख्यमंत्री माझी लाडकी बहीण योजनेत (Mukhyamantri Majhi Ladki Bahin Yojana) मोठा बदल करण्यात आला आहे. नागपूरमधील हजारो महिलांचे अर्ज बाद झाले आहेत. त्यामुळे फेब्रुवारीपासून या महिलांना 1500 रुपयांचा लाभ मिळणार नाही.
नागपूरधील हजारो महिलांचे अर्ज बाद
राज्यातील लाखो महिलांनी माझी लाडकी बहीण योजनेसाठी (Mazi Ladki Bahin Yojana) अर्ज केले आहेत. मात्र, अर्जांची तपासणी सुरू झाली आहे. यामध्ये अपात्र ठरलेल्या महिलांचे अर्ज बाद होत आहेत. नागपूर जिल्ह्यात 9.84 लाख महिलांनी अर्ज केले होते. त्यातील अनेक अर्ज फेटाळण्यात आले आहेत.
चारचाकी वाहनधारक महिलांचे अर्ज रद्द
सरकारने काही नियम ठरवले आहेत. चारचाकी वाहन असलेल्या महिलांना योजनेचा लाभ मिळणार नाही. नागपूरमध्ये 1,228 महिलांकडे चारचाकी वाहन असल्याचे आढळले आहे. त्यामुळे त्यांचे अर्ज बाद करण्यात आले आहेत.
🔴 हेही वाचा 👉 दीड लाख लाभार्थी महिलांची माघार! जाणून घ्या संपूर्ण माहिती.
पाच टप्प्यात होणार अर्जांची पडताळणी
महिलांच्या अर्जांची तपासणी पाच टप्प्यांमध्ये केली जात आहे. काही महत्त्वाचे नियम असे आहेत:
✔ एका कुटुंबातील दोन व्यक्तींना लाभ मिळणार नाही.
✔ बनावट कागदपत्रांवर अर्ज केल्यास तो रद्द केला जाईल.
✔ कुटुंबातील एका व्यक्तीला निवृत्ती वेतन असल्यास अर्ज बाद होईल.
✔ अडीच लाखांपेक्षा जास्त उत्पन्न असणाऱ्या महिलांना लाभ मिळणार नाही.
✔ पाच एकरहून अधिक जमीन असल्यास अर्ज फेटाळला जाईल.
सरकारचा मोठा निर्णय
लाडकी बहीण योजनेअंतर्गत आतापर्यंत 5 लाख अर्ज दाखल झाले आहेत. मात्र, अपात्र अर्जदारांची संख्या वाढत आहे. सरकारी तिजोरीवर ताण येत असल्याने ही कारवाई करण्यात येत आहे. फेब्रुवारीपासून अपात्र महिलांना पैसे मिळणार नाहीत.
🔴 हेही वाचा 👉 रेशनकार्डधारकांसाठी महत्त्वाची सूचना!.
