Budget 2025: लग्जरी ज्वेलरी होईल स्वस्त, कस्टम ड्यूटीत घट, ग्राहकांना काय फायदा?

Budget 2025 Luxury Jewelry Custom Duty Reduction Benefits : अर्थमंत्री निर्मला सीतारमण (Nirmala Sitharaman) यांनी 1 फेब्रुवारी 2025 रोजी बजेट 2025-26 सादर केले. या बजेटमध्ये ज्वेलरी आर्टिकल्सवर असलेली कस्टम ड्यूटी 25% वरून घटवून 20% केली आहे. या निर्णयामुळे ग्राहकांना महागड्या ज्वेलरी खरेदीवर फायदा मिळणार आहे. या बदलाची अंमलबजावणी 2 फेब्रुवारी 2025 पासून होईल. तसेच, प्लॅटिनम फाइंडिंग्सवरील कस्टम ड्यूटीत आणखी मोठी घट केली आहे. पूर्वी 25% असलेली कस्टम ड्यूटी आता 5% केली आहे.

ज्वेलरी इंडस्ट्रीने सरकारच्या या निर्णयाचे स्वागत केले आहे. या निर्णयामुळे विशेषत: लग्जरी ज्वेलरीच्या मागणीत वाढ होईल असे तज्ञांचे मत आहे. या निर्णयामुळे देशांतर्गत बाजारात लग्जरी ज्वेलरीची मागणी वाढेल. सरकारने सोने आणि चांदीच्या कस्टम ड्यूटीत काही बदल न केल्यामुळे ग्राहकांवर अतिरिक्त आर्थिक दबाव येणार नाही.

बजेट 2025 मध्ये सोने आणि चांदीच्या कस्टम ड्यूटीत (Gold Import Duty) कोणताही बदल न झाल्यामुळे, त्यावर अतिरिक्त ड्यूटी लावली जाणार नाही. जुलै 2024 मध्ये मागील बजेटमध्ये सोने आणि चांदीवरील आयात शुल्क 15% वरून 6% करण्यात आले होते, ज्यामुळे सोन्याच्या आयातीमध्ये मोठी वाढ झाली होती.

सरकारने सोने, चांदी आणि ज्वेलरी आयात शुल्क कमी केल्याने भारताच्या ज्वेलरी उद्योगाला जागतिक स्तरावर अधिक फायदा होण्याची शक्यता आहे.

हेही वाचा ३ फेब्रुवारीला सोन्याने गाठला नवा उच्चांक, चांदीही तेजीत – जाणून घ्या तुमच्या शहरातील दर.