Gharkul Yojana House Construction On Farm Land: प्रधानमंत्री आवास योजना (PM Awas Yojana) आणि राज्य सरकारच्या आवास योजनेंतर्गत घरकुल मंजूर झालेल्या लाभार्थ्यांना मोठा दिलासा मिळाला आहे.
यापुढे लाभार्थ्यांना स्वतःच्या मालकीच्या शेतातही घरकुल बांधण्याची परवानगी देण्यात आली आहे. जागेअभावी अनेक लाभार्थी घरकुल बांधू शकत नव्हते. त्यामुळे शासनाने हा महत्त्वाचा निर्णय घेतला आहे.
शेतात घर बांधण्यासाठी मिळणार परवानगी
राज्यातील अनेक लाभार्थ्यांकडे घरकुल योजनेअंतर्गत घर बांधण्यासाठी स्वतःची जागा उपलब्ध नाही. त्यामुळे त्यांच्या घरकुलाचे काम रखडले होते. ही समस्या लक्षात घेऊन सरकारने महाराष्ट्र महसूल जमीन 1966 च्या कलम 41 नुसार घरकुल बांधकामासाठी शेतात 500 स्क्वेअर फूट जागेची परवानगी दिली आहे.
🔴 हेही वाचा 👉 महिलांसाठी फायदेशीर ठरलेली सरकारी योजना बंद होणार? 31 मार्च शेवटची तारीख.
कुणाला मिळणार याचा लाभ?
- लाभार्थ्याच्या नावावर सातबारा उताऱ्यावर शेती असणे बंधनकारक आहे.
- लाभार्थीची स्वतःच्या शेतात घरकुल बांधण्याची इच्छा असावी.
- घर बांधून पूर्ण झाल्यानंतर तलाठी सातबाऱ्यावर त्याची नोंद घेतील.
- गटविकास अधिकारी गाव नमुना 8 मध्ये घरकुल म्हणून त्याची अधिकृत नोंद करतील.
योजनेचा फायदा कुणाला होणार?
गेल्या काही वर्षांत हजारो लाभार्थ्यांना घरकुल मंजूर झाले, पण जागेअभावी घर बांधता आले नाही. आता शासनाच्या या नव्या निर्णयामुळे अनेक कुटुंबांचे हक्काच्या घराचे स्वप्न साकार होणार आहे.
योजनेसाठी राज्य सरकारचा पुढाकार
गटविकास अधिकाऱ्यांना त्वरित अंमलबजावणी करण्याचे निर्देश देण्यात आले आहेत. त्यामुळे घरकुलाच्या प्रतीक्षेत असलेल्या लाभार्थ्यांना लवकरच त्यांच्या हक्काचे घर मिळणार आहे.
📝 महत्त्वाचे: जर तुम्ही प्रधानमंत्री आवास योजना किंवा राज्य सरकारच्या घरकुल योजनेचे (Gharkul Yojana Maharashtra) लाभार्थी असाल आणि तुमच्या मालकीचे शेत असेल, तर तुम्हाला या नव्या नियमाचा फायदा घेता येईल. त्यामुळे वेळ न दवडता संबंधित अधिकाऱ्यांशी संपर्क साधा!
🔴 हेही वाचा 👉 लाडकी बहीण योजनेचे सर्वेक्षण बंद! अंगणवाडी सेविकांचा सरकारला इशारा, मागण्या पूर्ण न झाल्यास….
