Chhagan Bhujbal on Ladki Bahin Yojana : राज्यातील महिलांसाठी महत्त्वाच्या असलेल्या मुख्यमंत्री माझी लाडकी बहीण योजनेबाबत एक मोठी अपडेट समोर आली आहे. राष्ट्रवादी काँग्रेसच्या (अजित पवार गट) नेते आणि मंत्री छगन भुजबळ (Chhagan Bhujbal) यांनी स्पष्ट केले आहे की, लाडकी बहीण योजनेअंतर्गत दिलेले पैसे सरकारने परत मागू नयेत. तसेच, योजनेसंदर्भातील अटी व नियम योग्य प्रकारे ठरवावेत, असेही त्यांनी सुचवले.
महिला लाभार्थींमध्ये चिंता वाढली
लाडकी बहीण योजनेसाठी मोठ्या संख्येने अर्ज दाखल झाले होते. मात्र, अर्ज तपासणी सुरू झाल्यानंतर काही अर्ज बाद करण्यात आले. परिणामी, संबंधित महिलांना आर्थिक मदतीपासून वंचित राहावे लागणार आहे. यामुळे अनेक महिलांमध्ये भीतीचे वातावरण पसरले होते. काही वृत्तांनुसार, बाद झालेल्या अर्जदारांकडून आधी जमा झालेली रक्कम सरकार परत घेणार असल्याच्या चर्चांना उधाण आले होते.
छगन भुजबळांचे स्पष्ट मत : पैसे परत घेणे योग्य नाही
Ladki Bahin Yojana Chhagan Bhujbal Statement Update : या मुद्यावर बोलताना छगन भुजबळ यांनी सांगितले की, आधीच्या नियमांमध्ये काही बदल करण्यात आले आहेत. त्यामुळे आधीच मिळालेली रक्कम परत घेण्यात काहीही अर्थ नाही. त्यांनी असेही सुचवले की, जर नवीन अटी लागू करायच्या असतील, तर त्या योग्य रीतीने जाहिर करून स्पष्ट कराव्यात.
🔴 हेही वाचा 👉 लाडकी बहीण योजनेबाबत SBI चा सरकारला धोक्याचा इशारा! महाराष्ट्राच्या अर्थसंकल्पावर मोठा परिणाम होणार?.
राजकीय वातावरण तापले!
दरम्यान, लाडकी बहीण योजनेवरून सरकार विरोधकांच्या निशाण्यावर आले आहे. महायुती सरकारने महिलांना दरमहा 2100 रुपये देण्याचे आश्वासन दिले होते. मात्र, आता याच योजनेत अडथळे येत असल्याने सरकारवर टीका केली जात आहे. येत्या काळात सरकार 2100 रुपये देण्याचे आश्वासन कसे पूर्ण करणार? याकडे संपूर्ण राज्याचे लक्ष लागले आहे.
लाडकी बहीण योजनेवरून राज्यात राजकीय वाद वाढताना दिसत आहेत. आगामी काळात महिलांच्या या योजनेसाठी सरकार कोणते निर्णय घेणार आणि विरोधक यावर कशी भूमिका घेणार, हे पाहणे महत्त्वाचे ठरणार आहे.
🔴 हेही वाचा 👉 लाडकी बहीण योजना अपात्र महिलांची यादी जाहीर – त्वरित तपासा आपले नाव.
महत्त्वाचे मुद्दे:
- छगन भुजबळ : “लाडकी बहीण योजनेचे पैसे परत घेण्यात अर्थ नाही.”
- अर्ज तपासणीमध्ये काही अर्ज बाद, महिलांमध्ये चिंता.
- सरकारच्या ₹2100 आर्थिक मदतीच्या आश्वासनावर प्रश्नचिन्ह.
