Ladki Bahin Yojana Anganwadi Sevika Protest : महाराष्ट्र सरकारने लाडकी बहिण योजनेच्या लाभार्थ्यांसाठी फेर सर्वेक्षण करण्याचा निर्णय घेतला आहे. मात्र, राज्यातील २ लाखांहून अधिक अंगणवाडी सेविका या सर्वेक्षणाला विरोध करत आहेत. त्यांनी आपल्या विविध मागण्यांसाठी थेट मोर्चा काढला आहे.
अंगणवाडी सेविका का संतापल्या?
लाडकी बहिण योजनेसाठी यापूर्वीच महिलांचे अर्ज भरून घेण्यात आले होते. मात्र, सरकारने आता नव्याने त्याच लाभार्थ्यांची आर्थिक स्थिती तपासण्याचे आदेश दिले आहेत.
नव्या सर्वेक्षणात ज्यांच्याकडे कार, दुचाकी किंवा ४ एकर शेती आहे त्यांची नावे वगळण्यात येणार आहेत. यामुळे अनेक महिलांना योजनेंतर्गत मिळणाऱ्या मदतीपासून राहावे लागू शकते.
अंगणवाडी सेविकांना वाटते की, ही जबाबदारी त्यांच्यावर टाकल्याने गावकऱ्यांमध्ये वाद होण्याची शक्यता आहे. यामुळे त्यांनी हे सर्वेक्षण न करण्याचा निर्णय घेतला आहे.
मोर्चात कोणत्या मागण्या करण्यात आल्या?
या आंदोलनात अंगणवाडी सेविकांनी फेर सर्वेक्षणाच्या विरोधासोबतच इतर अनेक मागण्या केल्या आहेत.
- सरकारी कर्मचाऱ्यांचा दर्जा मिळावा.
- न्यायालयाच्या निर्णयानुसार ग्रॅज्युटी द्यावी.
- पगारवाढ आणि दरमहा पेन्शन लागू करावी.
- केंद्र सरकारच्या बजेटचा निषेध.
🔴 हेही वाचा 👉 बांधकाम कामगारांसाठी आनंदाची बातमी! मोफत किचन सेट वाटप सुरू.
राज्य सरकारची प्रतिक्रिया
महिला आणि बालकल्याण मंत्री अदिती तटकरे (Aditi Tatkare) यांच्यासोबत अंगणवाडी सेविकांच्या प्रतिनिधींनी चर्चा केली. राज्यातील दोन लाख अंगणवाडी सेविका हे सर्वेक्षण करणार नाहीत, असे त्यांनी स्पष्ट केले आहे.
पुढे काय होणार?
अंगणवाडी सेविकांचा विरोध पाहता सरकारला फेर सर्वेक्षणाच्या निर्णयावर पुनर्विचार करावा लागू शकतो. यामुळे माझी लाडकी बहिण योजनेच्या (Majhi Ladki Bahin Yojana) लाभार्थ्यांसाठी नवीन निर्णय घेतला जातो का, हे पाहणे महत्त्वाचे ठरेल.
🔴 हेही वाचा 👉 सोन्याच्या दरात मोठी घसरण! पुढे काय वाढून ठेवलय?.
